Santa Ageda bezperari begira, Ohitura Zaharrak abesbatzak entsaioa egingo du gaur, arratsaldeko 19:30etan, Biterin. Parte hartu nahi duenak, bertara azaldu besterik ez du. Larunbatean, arratsaldeko 17:45etan abiatuko dira Milagrosatik, Kaxkoa kantu, bertso eta txistu doinuz alaitzeko; eta hernaniar guztiak gonbidatu dituzte haiekin bat egitera.
Ez dira izango Santa Agedako kale buelta egingo duten bakarrak, Hernanin bertan. Izan ere, Kantuz abesbatzak eguerdian ospatuko du egun berezia, 12:00etan abiatuta.