Gaur jokatuko du Mikel Lasa pelotari hernaniarrarak, Eneko Sorondorekin batera, Gipuzkoako Trinkete Txapelketako 2. mailako finala, Iruran. Oteiza taldeko Azkoitia anaien aurka jokatuko dute, arratsaldeko 16:00etatik aurrera.
Gipuzkoako errendimendu txapelketan ere arituko dira gaur Hernaniko pelotariak. Aratz Labaka eta Lier Zugasti 2. mailako haurrek arratsaldeko 17:00etan jokatuko dute. Oierpe klubaren bisita jasoko dute, eta partidurik galdu gabe jarraitzea da hernaniarren helburua.
Udaberri Txapelketan, aldiz, hiru bikote hernaniarren txanda izango da asteburuan: Iturbe eta Legarreta gazteek eta Urkizu eta Ortiz de Urbina seniorrek Bergararen aurka jokatuko dute gaur goizean, eta bihar Salaberria eta Labaka seniorrek Azkoitiaren aurka jokatuko dute.