Jokoan gehiegi izan gabe hasiko du Hernanik bigarren itzulia. Oviedoren bisita jasoko dute trikoloreek, arratsaldeko 16:00etan, Landaren. Lehenengo itzulian partidu guztiak irabazi dituzte, sei jardunaldi eta sei garaipen. Gainontzeko taldeen gainetik dagoela erakutsi du Hernanik, eta eskura dute maila mantentzea.
Gaur hasiko den itzuliari dagokionez, lehenengo lau jardunaldiak etxean jokatuko ditu Oviedo, Bera Bera, La Unica eta Gaztediren aurka. Azken bi partiduak, aldiz, Landaretik urrun izango dira; Universitario Bilbao eta Uribealdea taldeen zelaietan. Tartean atseden jardunaldi bat ere izango dute trikoloreek.
Gazteek ere partidu gogorrak jokatuko dituzte
Landaren jokatuko dira jardunaldi honetako partidu guztiak. 18 urtez azpikoen taldea izango da jokatzen lehena. Universitario Bilbao taldearen bisita jasoko dute, goizeko 10:30etan. Partidu hori bukatzerakoan, 16 urtez azpikoen txanda izango da, arerio berdiñaren aurka; Universitario Bilbao taldea izango baitute aurrean, 12:00etatik aurrera.
14 urtez azpikoen bi taldeek ere gaur bertan jokatuko dituzte partiduak. Ligako norgehiagoka izango da B taldearena; Zarautzen kontra jokatuko dute, 14:00etan. A taldeak, aldiz, lagunarteko partidua jokatuko du, 15:00etatik aurrera, Oviedoren aurka.
Asteburu honetan atseden hartuko dute Euskal Ligako neskek, baita 23 urtez azpiko mutilek ere.