Lapurdiko abeslaria Erriberako oholtzara igoko da gaur, arratsaldeko 20:00etan. Anje Duhaldek ibilbide luzea darama musikagintzan, eta bere musikak ez du etenik. Eta horren fruitu da, kaleratu berri duen Muga bat beti hor abestia. Lapurdiko abeslariak berak sortutako musikarekin osatutakoa da azken abesti hau, Xabier Amurizaren hitzen laguntzarekin. Abestiaz gain, bideoklipa ere kaleratu du, puntako zenbait musikari bidelagun dituela. Kaleratutako abestiak norberaren mugez jarduten du.
Gaur, beraz, astigartarrek Anje Duhalderen kantu zahar zein berriez gozatzeko aukera izango dute, Erriberan. Sarrerak 10 euro balio du helduentzat, eta 18 urtetik beherakoentzat, 5 euro. Sarrerak eskuragai daude ondorengo estekan: bibe.me.