Amaia Irazustabarrena eta Maider Huizi Euskal Herriko Kluben arteko txapelketaren finalera sailkatu ziren asteburuan. Errekaleorreko bikotearen aurka 30-14 irabazi zuten, Anoetan, eta datorren asteburuan finala izango dute aurrean, Gasteizen. Gipuzkoako finala errepikatuko da Hernani eta Su Berriren artean. Galdosek eta Mendizabalek osatzen dute Su Berriko bikotea. Gipuzkoakoan erraz galdu zuten hernaniarrek eta orain arantza hori atera nahi dute.
Zeaunirin Hernaniko bikoteak, jubenil mailan, galdu egin zuten finalerdietan Txulobi eta Larraunen kontra, baina Gasteizen hautagaiak izango dira txapela irabazteko. 3. eta 4. postuaren partiduan Macicior eta Kerejetak 8-15 irabazi zuten Miner eta Tolaretxipiren kontra.
Mutilen Udaberri txapelketan Mundarroko bi bikoteek eta Hernaniko bikoteak galdu egin zituzten euren partiduak Zarautz, Danok Baten eta Loiolatarraren aurka.