Aste bukaerak bi aurpegi izan ditu Euskal Ligako boleibol taldeentzat. Larunbatean mutilek ezin izan zuten garaipena lortu Aretxabaletan jokatutako partiduan, 3-0 galdu eta gero. Lehen aldia da Aretxabaletako taldeak garaipena lortzen duela hernaniarren aurka.
Lehen jokoa oso burrukatua izan zen eta azkenean 28-26 irabazi zuten etxekoek. Horrek min haundia egin zien hernaniar jokalari gazteei, eta bigarren jokoa etxekoek errazago eraman zuten bere aldera 25-18eko tanteoarekin. Hirugarren jokoan hernaniarrek azken saiakera egin zuten, baina 25-23ko markagailuarekin amaitu zen. Beraz, 3-0 Aretxabaletako taldearentzako eta espero ez zen porrota hernaniarrek jaso zutena.
Neskek erraz, 3-0, gainditu zuten Gallarta
Neskek igande eguerdian kiroldegian ez zuten barkatu eta Gallarta bisitariari, 3-0, irabaztea lortu zuten. Lehen jokoan erabat gainditu zuten bisitari taldea eta 25-6ko emaitza adierazgarria izan zen. Bigarren jokoa orekatuagoa izan zen, bisitariek hobetu eta etxekoen erlajazio puntuak 27-25era eraman zuen jokoa. Hirugarren eta azken jokoan berriro ere etxekoak nagusi izan ziren, 25-11ko tanteoarekin. Garaipen honek, segurtasuna emango dio taldeari gorantz begiratzeko.