Inauteriak iragartzeko, otsailaren 4an aterako da kaldereroen konpartsa Hernaniko kaleetan barrena, Elur Txori elkartearen eskutik; gaueko 21:00etan irtengo dira kaldereroak, elkartetik. Hala ere, aurrez zenbait ensaio egun zehaztu ditu Elur Txorik, eta hauek datorren astean izango dira, ondorengo egun eta orduetan: urtarrilaren 31n, otsailaren 1ean eta otsailaren 2an, arratsaldeko 20:00etan, Elur Txori elkartean.
Otsailaren 4rako, kalderero konpartsa baino lehenago, afaria ere antolatu dute Elur Txorikoek: «arratsaldeko 19:30etan izango da afaria, elkartean bertan, eta bakoitzak 10 euro ordaindu beharko ditu. Afarirako zerrenda jarriko dugu elkartean bertan». Zerrendan izena-emateko aukera izango dute herritarrek, urtarrilaren 27an.