Bizipoza elkarteak antolatuta, Mundu berri bat guztiontzat egitasmoaren hirugarren zatia aurkeztuko dute larunbat honetan, Biterin, goizeko 11:00etan hasita. Hirugarren edizio honetarako, 12 abesti berri egin dituzte, eta 12 bideoklip grabatu, 11 elkarteren partehartzearekin; eta bideoklip guztiak eskainiko dituzte larunbateko aurkezpenean.
Aurkezpenean, hitza hartuko dute Leire Elizegi Bizipoza elkarteko koordinatzaileak; Xabier Sukia eta Kai Nakai, egitasmoaren parte hartu duten letragileek eta abeslarien izenean; Mundu berri bat guztiontzat egitasmoaren babesleen ordezkariak; Hernaniko Udalaren ordezkariak; Ndank Ndank elkarteko Eli Dominguezek; eta Iñurri elkarteko Julene Illarramendik Bizipoza elkartearen izenean.
Bideoklipen proiekzioaz gain, musika emanaldi bana eskainiko dute Kai Nakai taldeak; eta Nereak eta Erlaitzek. Aurkezpenari amaiera emateko, elkarteei aitortza eta eskertza egingo zaie. Hemen ikusgai, egitasmoaren aurrerapen bideoa: https://labur.eus/xzZ4Y.