Bigarren astelehenez jarraian, ez zuten hitzordura hutsik egin Hernaniko Pentsiodunek. Eguerdiko 12:00etan elkarretaratzea egin zuten, Gudarien Plazan. Ohiko pankarta erabili zuten atzo ere, «Pentsio duinak! IPC eta 1080€ gutxienez; Sistema publikoa eta gurea» aldarrikapenak bilduta.
Ohiko pankartaz gain, «Borrokak darrai» irakur zitekeen bi pankarta eraman zituzten kontzentraziora. Datorren astelehenean egingo dute hurrengo elkarretaratzea, ohiko orduan eta lekuan.