Hernaniko Udalak, Berriak merkatari eta ostalarien elkartearekin batera, doako 5 formazio saio antolatu ditu, 2023ko lehen sehilekorako. Hala, gune goxo bat sortuz eta kafe baten bueltan, Hernaniko establezimenduek ondorengo aukerak izango dituzte: haien artean beharrak partekatzeko, sektoreko agenteekin erlazionatzea, esperientzia eredugarriak ezagutzea eta modu praktiko eta parte-hartzailean Hernaniko errealitatetara egokitutako proiektuak lantzea.
Lehenengo saioa datorren astelehenean izango da, eguerdiko 14:15etatik arratsaldeko 16:30etara bitartean, eta saio honen helburua zein den azaldu du Udalak: «programaren aurkezpena egitea eta dauden beharrak identifikatu nahi ditugu». Horretarako hilean behin bilduko dira, astelehenetan, hain zuzen.
Saioetan parte hartzeko beharrezkoa da izena ematea, merkataritza@hernani.eus helbidera idatzita.