Maite Larbururen Arrailak animaziozko lanaren aurkezpena egingo dute bihar arratsaldeko 19:00etan, Biterin. Hernaniko Udalak diruz lagundu zuen proiektua, sorkuntza sustatzeko deialdiko zazpigarren edizioan.
Maite Larburuk, Ainara Azpiazu Axpi ilustratzailearekin eta Oskarbi Sein ilustratzaile eta animazio egilearekin batera, 7 minutuko animaziozko bideo bat aurkeztuko du. Maite Larbururen abesti bizidun bat izango da. Arrailak kantua izango du oinarri bideoklipak: Krak Larbururen bakarkako bigarren diskoan dago kantu hori, eta amonari gertatutako istorio gogor bezain ederra kontatzen du. Axpi eta Oskarbi Sein izan dira abestia ikus-entzunezko bihurtzeko ekarpena egin dutenak.
Estreinaldia, biharkoa
Estreinaldia da biharkoa, Biterin eskainiko baitute aurrenekoz Maite Larburuk, Axpik eta Oskarbi Seinek elkarlanean sortutako ikus-entzunezkoa, Biterin. Sarrera doakoa dela jakinarazi dute antolatzaileek.