Atzo, gauean Zikuñaga auzoan ezbeharra gertatu zen. Gidari batek Zikuñaga inguruan aparkatzeko unean, autoa irauli zitzaion «despisteagatik». Donostiako suhiltzaileek gizona autotik ateratzea lortu zuten eta sutea saihestu zuten. Suhiltzaileek jakinarazi dutenez, ibilgailua bi metro erori zen atzeraka; gaueko 22:30ak aldera irauli zen.
Ezbeharra Zikuñagako enpresa bat inguratzen duen metalezko hesia gainditu ondoren gertatu zen, eta aditzera eman dute, erregai isuria eragin zuela.
Hori dela eta, suhiltzaileek zonaldea aparrarekin busti ondoren, sua saihestuta, ibilgailuko gidaria atera egin zuten, eta zerbitzura joan zen anbulantziak zauritua artatu zuen. Donostia Ospitalera eraman zuten, badaezpada.