Udal hauteskundeetarako hilabete gutxi falta direnean, Andoni Amonarraiz EAJ-PNVko bozeramaileak adierazi duenez duela 4, 8 edo 12 urte bizi izan genituen egoerak errepikatzen ari dira: «EH Bilduk, maiatzeko Udal Hauteskundeetarako sei hilabete falta direnean, aurreko hiru urte eta erdian egin ez dituen gauzak egin ditu».
Honakoak egin ditu EAJren esanetan. «Auzoetan auzotarrekin bilerak egiten dituzte; sare sozialetan Kaxkoko hormak margotuko dituztela iragarri dute, auzoaren itxura hobetze aldera; kirol-klub batzuen aurrean, beren burua izendatu haien interesen defendatzaile bakar gisa, beren alderdiak gobernatzen ez dituen beste erakunde gaizto batzuen aurrean; kaleak garbitzeko dirua haunditu dute, Hernanik urteak daramatzanean Atez Atekoaren ondorioz zikin; 2023an badirudi Urumea ikastola botako dutela, 2021ean bota edo mantenduko ote zuten ez zekitenean; harrobiaren hondamendiari irtenbidea eman nahi diotela dirudi; era berean, Ave Maria parkeko basoa garbitzen hasi dira, urte batzuk baitaramatza bertan, eta kutsatutako lurzorua ere kentzea edo isolatuko dutenaren esperantza dugu».
Amonarraizek adierazi nahi du EAJ-PNV poztu egiten dela «behingoz zerbait egiten hasi direlako: suposatzen dugu jarduera hori nabarmendu egingo dela maiatzera gerturatzen garen heinean, eta horrela mahai gaineratu ahal izango dutela kudeatzeko duten gaitasuna. Legegintzaldiko lau urteetan erritmo horretan lan egin beharrik ez, azken hilabeteetan lan egitearekin, dena konponduta».
«Guk beste modu batera egingo genukeen lan»
Era berean, bozeramaile jeltzaleak dio jende askok pentsatuko duela EAJ-PNVtik «bidegabeak izaten ari garela EH Bildurekin, legealdi honetan oso gai serioak izan direlako eta hauek ez dutelako udal kudeaketa garatzen utzi: pandemia bat bizitu dugu (baina funtzionarioek etxetik jarraitu zuten lanean) edo hirigintza saileko funtzionarioek ihes egin dute (2022ko ekainean izan zen hori eta zer irtenbide eman zitzaion?). Egia esan, kritikoak gara, guk beste modu batera egingo genukeelako lan, eta ez naiz COVIDak sortutako arazo propioen kudeaketaz ari».
Hori horrela, gogorarazi du EH Bilduk «huts egin duela, eta ez legegintzaldi honetan bakarrik; arazoen kudeaketaz, hobekuntza-proposamenez eta udal gai sinpleei konponbideak bilatzeaz ari naiz: gehiegizkoa da ordea, EH Bilduk kudeaketa diluitzeko eta bere erabakiak herritarrekin adostutakoak direla saltzeko erabiltzen dituen kolektibo, elkarte eta abarren sustapena».
Amonarraizek amaitu du: «ongi etorriak dira beti legegintzaldi amaierako lanak, baina, azken sekuentziak ez dezala pelikula osoa baldintzatu».