Gabonetako oporren ondoren, bihar itzuliko da Ttapa-ttapa egitasmoa

Gabonetako geldialdiaren ondoren, bihar itzuliko da Ttapa-ttapa: 60 urtetik gorako pertsonei zuzendutako jarduera. Helburua da ariketa fisikoa sustatzea, eta parte hartzaileen arteko sozializazioa erraztea. Hori betetzeko, parte-hartzaileen mugimen-gaitasunei egokitutako ibilbide lauak eta seguruak egiten dituzte. Antolatzaileek gogorarazi dute ibilaldietan parte hartu ahal izateko ez dela izena eman behar; nahikoa da asteroko hitzorduetara agertzea: asteazkenetan, goizeko 10:30etan, Atsegindegi plazan.