Punta-puntako bertsolariekin agurtu zuten aurtengo Bertso-Lata. Maialen Lujanbio, Aitor Mendiluze, Amets Arzallus eta Saioa Alkaizak kantatu zuten itxura paregabea zuen Biteri Kultur Etxeko areto nagusian. Iker Ormazabal aritu zen gai jartzaile lanetan eta bertso sorta ederrak entzun zituzten gerturatutakoek. Bertso-Lata bukatu arren, bertsolaritzaz gozatzeko aukera izango da San Sebastian egunaren bezperan, herriko bertsolariekin. Ohiko eguna berreskuratuko du Tabernetako Txapelketak.