Gabonetako azken egunak ederki aprobetxatu dituzte hernaniarrek. Urbieta kaletik plazaraino iritsi ziren Meltxor, Gaspar eta Baltasar Errege Magoak, haur hernaniarrei goxokiak eta opariak emateko.
Txistulariak eta Musika Banda izan zituzten gidari, eta herritar ugarik egin zien harrera beroa. Jende asko bildu zen herriko kaleetan zehar egindako ibilbidean.
Banatu zituzten goxoki eta opariak, eta orain, lan nahikoa eginda, etxera bueltan dira hiru Errege Magoak.