Hilabeteko lehiaren ondoren, banatu dituzte aurtengo txapelak, Hernaniko Elkarte Arteko Mus Txapelketan: Gure Txokoko Jose Mari Bengoetxea eta Isidro Pagola izan dira irabazleak.
Gure Txoko elkartea izan da protagonista nagusia, aurtengo edizioan. Bertan jokatu dituzte partida guztiak, eta etxean arituta, elkarteko muslariak izan dira onenak: bi bikote finalistak ziren Gure Txokokoak. Hain justu, Jose Mari Arenal eta Vicente Gomez elkartekideei irabazi zieten finala, Bengoetxeak eta Pagolak.
Semifinaletako partidetan, bi bikote finalistek mendean hartu zituzten Karobi Elkarteko Javier Bermejo eta Juan Valhondo, eta Santa Barbarako Javi Mateos eta Rafa Fernandez.
Guztira, bederatzi elkartek hartu dute parte aurtengo txapelketan: Gure Txoko, Txantxangorri, Elur Txori, Xalaparta, Karobi, Goiz Eguzki, Sagastialde, Etxeberri eta Santa Barbara.