Euskadiko selekzioaren deia jaso du Jon Jara esku pelotari hernaniarrak, nazioarteko txapelketa bat jokatzeko. Trinketeko modalitatean jokatuko du Jarak, binaka, 22 urtez azpikoetan.
Txapelketa horretan, parte hartuko dute Euskadi, Nafarroa, Iparralde eta Frantziako selekzioek. Hazparnen jokatuko du Jarak, eta gaur bertan dauka semifinala, arratsaldeko 19:00etan hasita, Berria trinketean. Iparraldeko selekzioa izango du aurrez aurre hernaniarrak.
Irabaziz gero, ostiralean jokatuko luke finala, 18:00etan Hazparnen bertan. Galduz gero, aldiz, ostegunean izango luke hirugarren postua lortzeko partidua, arratsaldeko 19:00etan.