Euskal Ligako bi taldeak garaipena lortu dute 2022ko azken jardunaldian. Partidu gogor eta borrokatuak jokatu arren, garaipena hernaniarren alde izan da bi kasuetan.
Neskek Sestaon jokatu zuten larunbatean eta 0-2 aurreratu ziren; 16-25 eta 22-25. Partiduak erabakia zirudien, baina etxekoek berdintzea lortu zuten; 25-20 eta 25-22 irabazi ondoren hurrengo bi jokoak. Azken joko erabakigarrian, hernaniarrek berriz ere aginte makila hartu zuten eta 11-15 irabaztea lortu zuten. Azkenean 2-3 izan zen Hernaniren garaipena.
Urtea bosgarren postuan amaitzen dute neskek, bigarren postutik bi puntura..
Mutilak ere nesken bide berdina izan zuten igandean, Bera Beraren aurka jokatutako derbian. 2-0 irabazten hasi ziren; 25-19 eta 25-8., baina donostiarrek partidua berdintzea lortu zuten hurrengo jokoak 20-25 eta14-25eko emaitzekin. Azken jokoan etxekoek nagusi izan ziren eta beraz, 3-2 izan zen derbia hernaniarrentzat. Mutilek urtea seigarren postuan amaituko dute.