Segurola eta Larrañaga lehenengo postuan sailkatu dira Binakako Erremonte Txapelketaren ligaxkan, azken partidua, Ezkurra II eta Martirena 40-25 garaitu eta gero. Lehenengo postuak finalerako sailkapena eman dio bikote gipuzkoarrari. Merezitakoa, erakutsi duten jokoa kontuan hartuz gero.
Aizarnazabalgo eta Azkoitiko erremontistek maila bikaina erakutsi dute lehenengo fase guztian zehar. Orain zailena geratzen zaie, finala.
Bigarren finalista erabakitzeke
Bigarren finalista larunbatean, abenduaren 24an, ezagutuko da. Bertan, Goikoetxea V.a-Barrenetxea IV.a bikotea, Ansa II.a-Juananearen aurka lehiatuko dira finalerdi estuan.
Bi bikoteek ostegunean aukeratuko dituzte finalerdietako pelotak. 18:00etan hasiko da material aukeraketa.