Giro ederrean hasi zen, joan den ostegunean, 2022ko Bertso-lata. Ohikoa den bezala, aurten ere bertsoaz gozatzeko hamaika ekitaldi izango dira, urtarrilera bitarte. Paulo Txikiya Bertso Eskolako gazteak izango dira kantuan ostegunean, abenduaren 22an, Elurtxorin.
Egun berezietako errondak ere badute tartea aurtengo egitarauan. 24an Olentzeroa ibiliko da Osiñagan zehar, eta Erronda egingo dute, Ohitura Zaharrak taldearekin batera, hilaren 31ean, Kaxkoan.
Izena eta izana bertso saioa izango da 30ean, Gaztetxean. Bertan ariko dira hiru Andoni: Egaña, Mujika eta Rekondo; eta hiru Ane: Beloki, Zuazubiskar eta Labaka.
Jaialdi nagusiarekin amaituko da Bertso-lata. Urtarrilaren 6ean Biterin ariko dira Maialen Lujanbio, Amets Arzallus, Saioa Alkaiza eta Aitor Mendiluze.
BERTSO-LATA 2022
HERNANI
ABENDUAK 22
19:00 Gazteen bertso saioa, Elurtxorin.
ABENDUAK 24
Olentzeroa, Osinaga auzoan.
ABENDUAK 30
19:00 Izena eta izana bertso saioa, Gaztetxean. Andoni Egaña, Ane Zuazubiskar, Ane Beloki, Andoni Mujika, Andoni Rekondo eta Ane Labaka.
ABENDUAK 31
Erronda, Kaxkoan. Paulo Txikiya Bertso eskola eta Ohitura Zaharrak taldea.
URTARRILAK 6
18:30 Jaialdi nagusia, Biterin. Maialen Lujanbio, Amets Arzallus, Saioa Alkaiza eta Aitor Mendiluze. Sarrerak egunean bertan, Biterin (7 euro).