Urtearen hasieran, Hernaniko JOCC txirrindularitza klubeko zikloturista-talde batek urtea amaitu baino lehen Gipuzkoako 88 udalerriak bisitatzea erabaki zuten. Horretarako, irteera bakoitzeko udalerri bakarra bisitatzeko baldintza jarri zuten. «Abenduaren 13an, geratzen zitzaigun azkena, Hernanikoa, bisitatu dugu». Xabier Lertxundi alkateak Plazan ongietorria eman zien Zaldibira joan eta itzuli ziren 19 bazkideei.