Jostailuen bilketarako eta trukerako egun bana antolatu dute astigartarrek. Gaurkoan, arratsaldeko 16:30etatik 18:00etara bitartean, jostailuak biltzeko aukera eskainiko dute, herri eskolako atarian: «ekarri jostailuak osatuta, eta egoera onenean, eta truke txartela jasoko duzu».
Etzirako, berriz, truke txartela dutenek, beste norbaitek utzitako jostailuak hartzeko aukera izango dute, arratsaldeko 16:30etatik 18:00etara bitartean, herri eskolako atarian.