Hernanik Gaztediren aurka 10-34 irabazi zuen, Ohorezko B Mailako zazpigarren jardunaldian, Gasteizen. Garaipen horri esker hernaniarrak laugarren postura igo dira sailkapenean. Oviedok etxean Uribealdearen aurka galdu zuen ezustean eta hernaniarrek aurreratu egin dituzte astuariarrak.
Hala ere, goiko hiru taldeek; Getxok, Independientek eta Zarautzek irabazi egin zituzten beraien partiduak eta Hernanik ia ezinezkoa du hiru lehenengo postuetan sailkatzea. Zarautzen akats bat behar dute.
Lehen zati lehiatua
Hernanik ongi menderatu zuen Gaztedi lehen zati lehiatu baten ondoren. Trikoloreak irabazten hasi ziren 0-5, Oier Garmendiaren entsaio bati esker, baina etxekoek aurrea hartu zuten markagailuan 15garren minutuan, 7-5.
Hala ere, Hernanik azkar erreakzionatu zuen Arizetaren eskutik (7-10) eta bigarren zatian erabaki zuen partidua.