Bihar, abenduaren 13an, arratsaldeko 20:00etatik aurrera Hernaniko elkarteen arteko mus txapelketaren finalerdiak jokatuko dira.
Lehen finalerdian, Karobi A (Javier Bermejo–Juan Valhondo) eta Gure Txoko A (Isidro Pagola-Jose Mari Bengoetxea) neurtuko dira. Bigarren finalerdian, Santa Barbara B (Javi Mateos–Rafa Fernández) eta Gure Txoko B (Jose Mari Arenal-Vicente Gómez) izango dira aurrez aurre. Finala eta hirugarren eta laugarren posturako partidak ostiralean jokatuko dira. Partida guztiak Gure Txoko elkartean, Larramendi 3, izango dira.