Aralar mendigunearen Gipuzkoako zatian kokatzen da Ausa Gaztelu, eta bertara joango dira, etzi, Mendiriz Mendiko kideak. Goizeko 8:30etan irtengo dira Atsegindegitik, eta mendiari izena ematen dion XIII. mendeko Erdi Aroko gotorleku baten aztarnak ikusteko aukera izango dute. Irteeran parte hartzeko 2 euro ordaindu beharko dituzte gaztetxoek, eta 6 euro helduek. Mendiriz Menditik nabarmendu dute mendiko material arrunta eta umore ona ezinbestekoak direla.