Azaroan bezala, jaieguna tokatu da abenduko aurreneko asteartea ere. Horren ordez, beste hitzordu bat jartzen saiatu da Hernaniko Odol Emaileen Elkartea, baina ez dute horretarako aukerarik topatu. Hortaz, abenduan ez da odol ematerik izango Hernanin, eta urtarrilean egingo dute hurrengoa. Gainera, aurreratu dute datorren hilabetean «sorpresatxo bat» izango dutela odol emaileentzat. Bitartean, gonbitea luzatu diete Donostiako delegaziora joateko, odola ematera.