Zirrara eta interesa sortu zuen, zalantzarik gabe, Goiz Eguzkik larunbaterako jarritako hitzorduak. Castillo de Monjardin bodegako ardoen dastaketa antolatu zuten egoitzan, goizerako; eta sekulako arrakasta izan zuen ekimenak, makina bat lagun gerturatu baitziren: ia 100 pertsonak eman zuten izena, parte hartzeko.
Monjardinen hiru ardo ezberdin dastatzeko aukera izan zuten bertaratuek, kriantza, gorria eta chardonnay; eta berez bero zegoen giroa, are gehiago piztu zuen Monjardinek, txinparten beharrik gabe. Gustora egon ziren denak, pozik eta umoretsu; eta guztiek nahi zuten bere argazkitxoa, egunaren oroigarri gisa. Lanpetuta ibili zen Kronikako argazkilaria, hainbeste eskaerarekin... baina horiekin guztiekin, album polita osatu dugu: