Urtero bezala, berezia izango da Hernaniko Gaztelekuaren egitaraua, abendu honetarako ere. Batetik, ekintza bereziak prestatu dituzte neguko oporraldirako, hilaren 20tik aurrera. Eta bestetik, bazkaria ere egingo dute, abenduaren 17an, Gaztelekuan.
Jarduera horietako batzuetan, izena eman beharko da aldez aurretik. Abenduaren 22an, esaterako, graffity tailerra egingo dute; eta abenduaren 27an, berriz, serigrafia tailerra. Bi horietarako, aurrez apuntatu behar dute nerabeek, eta epea zabalik dago: Gaztelekuan egin behar da, izenemate orria bete eta 5 euroko fiantza eramanda.
Izena eman beharko da hilaren 17ko bazkarirako ere, baina hori aurrerago zehaztuko dute, eta baita bazkariaren ordua ere.
Gaur bertan, Sexkuntza txokoa izango dute Gaztelekuan; eta asteartean neguko apaingarriak egingo dituzte. Horren ondoren, atseden bat hartuko du Gaztelekuak, eta itxita egongo da abenduaren 8tik 12ra.
Merienda osasungarriarekin bueltatuko dira hilaren 14an, eskulanetan arituko dira 16an, eta bazkariaren hurrengo egunean, Gaztelekua birsortzeko ekintza izango dute 18an, oporraldiko egitarau bereziari heldu aurretik.
Opariak prestatuz ekingo diote horri, eta Santo Tomas eguneko txistorradarekin emango diote segida. Graffity tailerrarekin eta hama bead eskulanekin borobilduko dute aurreneko astea. Bigarrenean, berriz, izango dituzte serigrafia tailerra, ping pong txapelketa, erre ikuskizuna eta bingoa.
ABENDUKO EGITARAUA HERNANIKO GAZTELEKUAN |
|
Gaur Sexkuntza txokoa 6 Neguko apaingarriak 14 Merienda osasungarria 16 Eskulanak 17 Bazkaria Gaztelekuan 18 Gaztelekua birsortzen 20 Oparien prestaketa 21 Txistorrada 22 Graffity tailerra 23 Hama bead 27 Serigrafia 28 Ping pong txapelketa 29 'erre' ikuskizuna 30 Bingoa |