Jardunaldi berezia izango da asteburu hau Hernaniko boleibol taldeentzat, batez ere senior neskentzat. Euskal Ligako taldeak bi partidu jokatuko ditu bihar. Lehenengoa kiroldegian izango da, 11:00etatik aurrera Deustoren aurka. Partidua amaitu, zerbait bazkaldu, eta berehala Bizkaiara bidaiatuko dute 18:00etan Getxoren aurka jokatzeko. Beraz bi talde bizkaitar izango dituzte aurrez aurre.
Hasiera batean Deustoren aurkako partidua irabazi beharrekoa da eta Getxon liderra izango du aurkari.
Mutil seniorrak, gaur Gasteizen
Euskal Ligako mutilek Gasteizera bidaiatuko dute gaur, 19:00etan, Jatorkideren aurka jokatzeko. Talde gasteiztarra denboraldi ona ari da burutzen eta partidu zaila izango dute hernaniarrek. Hala ere, partiduaren bila irtengo dira.