Kale Literatur ekimena izango da bihar, Dori kafetegian. Poesia eta urdaiazpikoa 3 izenpean, 20:00etan hasiko da ekimena, eta, oraingoan, oparotasuna izango da landuko duten gai nagusia.
Azpigai asko baliatuko dituzte oparotasunari buruz hausnartzeko, horregatik, 5 ataletan antolatuko da poesia irakurraldia: Eskas, Sobera, Neurrian, Neurririk gabe eta Biharamuna. Atal bakoitzak 5 poema sorta biltzen dituenez, guztira, 25 poema irakurriko dira.
Irakurtzeko aukera
Irekita jarraitzen du poesia irakurraldian parte hartzeko aukerak, eta hautagai daude, Hernaniko Kale Literaturaren webgunean, landuko diren testuak.