Urtero moduan, Hernaniko Kontrakantxa gaztetxeak urteurrena ospatuko du abenduan zehar, justu abenduaren 6tik 10era bitartean. Egun horietarako, egitarau oparoa prestatu dute, 16 urte luzeetan egindakoa oroitu, eta oraindik egiteko dagoena erdigunean jarriz.
Abenduaren 6an, egokitzapen lanak egingo dira gaztetxean bertan, auzolan baten bitartez, eta abenduaren 7rako, berriz, bertso afari bat antolatu dute.
Horrez gain, 16garren urteurrenari amaiera emateko, egun osorako egitarau oparoa antolatu dute, abenduaren 10erako. Bazkari baten bueltan bilduko dira bertaratzen direnak, eguerdiko 14:00etan. Arratsaldean, Skapaie elektrotxarangak hartuko du lekukoa, eta amaitu ostean, kontzertuei emango zaie hasiera; hiru izango dira oholtzaratuko diren taldeak: Indabe, Sofokaos eta Iluntzean.
Tiketak salgai, Goiz Argin eta Txilin
Bertso afarirako eta abenduaren 10eko bazkarirako tiketak dagoeneko salgai daude, Goiz Argin eta Txilin.