Arrakasta haundia izan du Bizilagunak egitasmoak, beste urte batez, Hernanin. Bost kontinenteetako hamaika herrialdetatik etorritako familiak eta bertakoak elkartu ziren Plazan, egitasmoari hasiera emateko, propio prestatutako abestia elkarrekin kantatuz. «Europar nahiz amerikar, asiar ala afrikar, topa dagigun eta edonon lagundu dezagun elkar», zioen estribilloak. Ondoren, etxeetan zein soziedadeetan egin zituzten bazkariak, elkar hobeto ezagutzeko. 53 familiak hartu dute parte Hernanin, aurten.