Atzo hasi ziren banatzen, Hernaniko 2023ko udal egutegia; eta dagoeneko eskuragarri dago Biterin eta udaletxeko Herritarren Harrera Zerbitzuan. Oraingoan, Uxue Bereziartuak egindako ilustrazioa ageri da egutegiaren azalean. Leokako labaderoa irudikatu du Bereziartuak, «bizitzaz eta kolorez betetako artelana» osatuta. Bost urtez osatu zuten udal egutegia argazki lehiaketa bidez, baina aurreko urtean formatua aldatu zuten, eta azala herriko ilustratzaileei eskatzea erabaki zuten.