Bi eguneko greba deitu zuten Renfeko sindikatuek. Horren ondorioz, aldaketak izan ziren aldirietako tren-zerbitzuan joan den astelehenean. Greba eguna dute gaurkoa ere, eta, beraz, aldaketak izango dira ordutegian.
Gutxieneko zerbitzuak murriztuko dituzte %75era trena gehien erabiltzen den orduetan, eta %50ekoa izango da zerbitzua eguneko gainerako orduetan. Hori horrela, gaur, esaterako, goizeko 06:00etatik 09:00etara bitartean tren gutxiago atera dira Brinkolatik Donostiarako bidean. Ordutegi horretan, normalean, bederatzi tren izaten dira eta, gaur, berriz, soilik bost izan dira.