Proiekzio eta solasaldia eskainiko dute gaur, 19:30etan hasita, Biterin. Mendiriz Mendiko kide diren Larraitz Uriak eta Julen Lekuonak hartuko dute hitza. Bihar, berriz, arratsaldeko 18:00etan, irteeretako argazkien bilduma berezia ikusteko aukera eskainiko diete gaztetxoei, eta, jarraian, dominak banatuko dituzte. XLIII. argazki lehiaketako sari banaketa ere egingo dute, besteak beste.