Larunbatean, XXXI.Sagardo txapelketa jokatu zen, Elur Txori elkartean eta bertan egon zirenek berretsi dute sekulako giroa egon zela. Afari baten bueltan bildu ziren bertaratutako guztiak, Iker Ormazabal 'Tturko' eta Andoni Mujika bertsolariek girotuta.
XXXI. txapelketa honetan, guztira 10 sagardotegik hartu zuten parte, honakoak hain zuzen ere: Alberro, Altzueta, Astiazaran, Elorrabi, Elutxeta, Iparragirre, Itxasburu, Oiarbide, Rufino eta Zelaia sagardotegiak.
Lehenengo postua Rufinok lortu zuen, 1138 punturekin; bigarren gelditu zen Altzueta 1127 punturekin; eta hirugarrena, berriz, Urruzola-Elutxeta sagardotegia gelditu zen, 1117 punturekin. Rufinori, txapela eta Esnal AXA Artekaritzak babestutako garaikurra eman zitzaion; bigarrenari, Gorosek babestutako garaikurra, eta hirugarrenari, Dorronsoro okindegiak babestutako garaikurra. k