Urteko lehen bederatzi hilabeteetan, Iberpapel enpresaren negozio-zifraren zenbateko garbia 230.790 mila eurora hazi da. Alegia, %40,17ko igoera izan du aurreko ekitaldiko aldi berarekin alderatuta, «ingurune makroekonomiko eta geopolitiko ezegonkorrari aurre egiteko zehaztutako prezio-politikari esker».
Hala ere, hirugarren hiruhilekoak izan zuen eragin arautzaileagatik, Iberpapelek Hernanin dituen kogenerazio plantak geldituta egon dira. Ondorioz, azken hiru hilabeteetan izan dira «aurreikusi gabeko kostu haundiak». Horrenbestez, EBITDAk %17,06 egin du behera, 16,47 milioi euroraino, eta mozkin garbia 6,2 milioi eurotan itxi da.
Hala ere, 17/2020 Errege Lege Dekretuaren bidez onartutako legedi berriari esker, egoera hori berrikusiko dela ziurtatu dute, eta energiaren arloan premiazko neurriak hartuko dira, eta aldez aurreko gas-kontratuak ere amaitutzat emango dituzte. Hori horrela, azken hiruhilekoari begira, «bilakaera positiboagoa» aurreikusten da.