Primeran hasi zuen denboraldia Hernanik, mutilen Ohorezko B mailan. Hirutik hiru norgehiagoka irabazita, indartsu heldu diete hernaniarrek orain arteko aurkariei. Hala ere, partidu zaila izan zuten trikoloreek, joan den igandean, eta denboraldiko lehenengo porrota jaso zuten Zarautzen aurka 22-13 galduta.
Norgehiagoka zaila espero zen aste hasieran, baina, betiko moduan, dena emateko prest atera zen Hernani. Baina trikoloreek sailkapen orokorrean zarauztarrek baino zazpi puntu gehiago bazituzten ere, jakin bazekiten erronka haundia izango zela igandekoa. Izan ere, Zarautzek orain arte bidea zaildu die ligako talde sendoenei, eta, atzo, zaila jarri zion Hernaniri ere.
Markagailuan aurreratu zen Hernani, 0-7koarekin, baina etxekoek segituan hartu zuten aurrea, eta, azkenean, partidu borrokatu baten ostean, Zarautzen gelditu zen garaipena.