Biharko sukaldaritza ikuskizuna antolatu du Herrilur kontsumo elkarteak, Henase elkartearekin elkarlanean, haien produktuak eta lana ezagutarazteko asmotan. Horretarako, Zigor Iturrieta Txorieneko sukaldariak hartuko du parte Show cooking honetan, Hernaniko nekazari batekin batera, azalpen batzuk ematen. Henase elkartearen produktuak sukaldatuko dituzte, hainbat aholku eta azalpen emanez. Zigor Iturrietak sukaldean zer egingo duen aurreratu digu: «ardi eta gazta sagardoarekin egindako fondie bat, bertako barazkiekin egindako tenpura beltza eta babarrunekin egindako Al-mudammas errezeta arabairra».
Urbieta kalean izango da sukaldaritza ikuskizuna, eguerdiko 13:00etan, eta euria eginez gero, Gudarien Plazan izango da. Bertaratzeko deia luzatu dute antolatzaileek: «doakoa da, beraz, aprobetsatu eta animatu!».