Txantxangorri Elkarteak antolatuta, joan den urriaren 30ean jokatu zen Pasaian, Elkarte Arteko Arrantza Txapelketa. Denera, 105 arrantzalek parte hartu zuten. 59 arrain arrantzatzea lortu zuten, eta itsasora bueltatu zituzten ondoren.
Parte-hartzaile guztien artean, Javier Egibar hernaniarra gailendu zen, eta Txantxangorriko Elkarteko lehenengo arrantzalea, berriz, Víctor Fernandez izan zen.
Txapelketa borobila izan zen, eta, horregatik, antolatzaileek eskerrak eman dizkiete arrantzaleei «joko garbiagatik» eta boluntario lanetan aritu ziren Korori eta Xabierri, «pisaketan laguntzeagatik eta arrainak itsasora azkar itzultzeagatik».
