Hernanin landa-lursailak erosteko lizitazio espedientearen berri eman zuten Gipuzkoako Aldizkari Ofizialean, urriaren 26an. Helburua da erostea ingurumen balioak galtzeko arriskuan dauden eremu edo lur-sailak, basogintza aldetik abandonatuta daudenak edo balio gutxikoak direnak.
Interesa dutenek, azaroaren 20a dute eskaintzak aurkezteko azken eguna. Udalean aurkeztu behar dira, lanegunetan, goizeko 08:00etatik 14:00etara.
Bestalde, honen guztiaren bueltako informazioa eskura daiteke Herritarren Harrera Zerbitzuan (HHZ), ohiko ordutegian. Horrekin batera, Klausula Administratibo Partikularren agiria Hernaniko Udalaren Kontratugilearen Profiletik atera ahal izango da: www.hernani.eus.