Donibane Garazin jokatu zen Bertsolari Txapelketa Nagusiko finalaurrekoetako bigarren saioa eta bertan aritu ziren Hernaniko Bertso Eskolako Nerea Elustondo eta Asier Azpiroz, Oihana Iguaran, Amets Arzallus, Haritz Mujika eta Aitor Etxebarriazarragarekin batera.
Oihana Iguaranek lortu zuen puntu gehien biltzea, 688,5. Horrela, finalaurrekoen bigarren itzulirako txartela lortu du eta Amurrion kantatuko du azaroaren 19an. Bigarren Amets Arzallus geratu zen 688 punturekin; hirugarren, Nerea Elustondo 628 punturekin; laugarren Asier Azpiroz 616,5 punturekin; bosgarren Haritz Mujika 615 punturekin; eta seigarren Aitor Etxebarriazarraga 612 punturekin.
Nerea Ibarzabal Irunen ariko da hurrengo saioan
Finalaurrekoetako hurrengo saioa azaroaren 5ean izango da Irungo Ficoban, 17:00etan. Kantuan ariko diren bertsolariak Ane Labaka, Jone Uria, Maddalen Arzallus, Miren Artetxe, Nerea Ibarzabal eta Sustrai Colina izango dira