Atseden hartu zuten Euskal Ligako bi talde hernaniarrek, aurreko asteburuan; eta etxean bueltatuko da lehiara mutilen taldea, bihar goizean. Galdakao hartuko du Hernanik, 11:00etan kiroldegian. Ligako talde indartsuenetakoa da bizkaitarra, eta beraz, ez dute lan erraza izango hernaniarrek, denboraldiko bigarren garaipena lortzeko.
Nesken taldeak, berriz, beste astebete luzatuko du atsedenaldia. Izan ere, asteburu honetan geldialdia izango du Euskal Ligak, eta datorren asteburuan ekingo diote lehiari berriro. Azaroaren 5ean jokatuko du Hernanik, 18:15etan kiroldegian, D'elhuyar Logroñoren kontra.