Gaztañaga sagardotegiak irabazi zuen pasa den ostiralean Xalaparta elkarteko sagardo lehiaketa. 26garren edizioa ospatu zen eta sagardotegi andoaindarrak 1.077 puntu eskuratu zituen. Bereziartuak 1.045 punturekin bigarren postua eskuratu zuen eta Zelaiak 1.031 punturekin hirugarren amaitu zuen. Giro ezin hobea sortu zen elkartean eta sagardo maila altua izan zen. Afaria amaituta sariak banatu ziren.