Oroimen ekitaldia, hilerrian Argi-Horma eskulturaren aurrean, egingo dute gaur, 12:00etan, fusilatu zituztenak gogoratzeko. Honela, oroimen historikoaren bidean, urrats bat gehiago emango du Hernanik. 1936ko gerraren testuinguruan «hilerrian fusilatu eta dokumentatu gabe lurperatu zituztenak omentzeko, haien oroimena eta duintasuna berreskuratu behar delako». Ia 200 pertsona fusilatu zituzten Hernanin, garai horretan.