Gau Beltza badatorrela iragartzeko, Txantxillako festak ospatuko dira gaur eta bihar. Auzoz auzo eta festarik festa ibili dira hernaniarrak, abuztu bukaeratik orain arte. Eta alaitasun ziklo horri, Txantxillako Jaiek jarriko diote errematea, asteburu honetan.
Txupinazoa 19:00etan botako dute, gaur, Arima bihurriaren etorrerarekin batera, Maialen Lujanbiok eta Unai Agirrek girotuta. Baina aurretik, 17:00etan hasita, puzgarriak izango dira. Ondoren, pintxo-potea izango da eta, segidan, Züttik elektrotxaranga.
Larunbatean segiko du festak, egun osoan. 10:30etan Txantxillako haurren lasterketa egingo da. Gero, 11:00etan, haur jolasak eta auzo ginkana izango dira, eta, jarraian, sagardo dastaketa eta pintxoak.
Eguerdiko 14:30etan auzo bazkaria egingo da, eta arratsaldean, festak jarraituko du: Apaxi ipuin kontalaria 17:00etan, txokolatada 18:00etan, arimen kalejira dultzaineroekin 19:00etan, pintxo-potea eta DJ Monkey 20:00etan, eta bukaerako traka, ondoren. Jarraitu nahi duenarentzat, DJak girotuko du auzoa.
EGITARAUA
TXANTXILLAKO JAIAK
GAUR, OSTIRALA
17:00-18:30 Puzgarriak
Txantxillako plazan.
19:00 Jaien hasiera! Txupinazoa eta Arima bihurriaren etorrera, Maialen Lujanbio eta Unai Agirrek girotuta. Pintxo potea Jai batzordearen txoznan eta tabernetan.
Segidan, Züttik
elektrotxaranga.
BIHAR, LARUNBATA
10:30 Haurren lasterketa.
11:00 Haur jolasak.
11:00 Auzo Ginkana.
12:00 Sagardo dastaketa eta pintxoak.
14:30 Auzotarron bazkaria.
17:00 Apaxi ipuin kontalaria.
18:00 Txokolatada.
19:00 Arimen kalejira Hernaniko dultzaina taldekoekin.
20:00 Pintxo potea eta DJ Monkey.
Ondoren, festen amaierako traka.