Hernanik larunbata berezia bizi izan zuen Errebeldeak Fest jaialdian. Egun osoan zehar izan ziren ekitaldiak eta primeran pasa zuten hurbildutakoek. Sagastialdek izan zuen protagonismoa goizean kirol ezberdinekin. Atsegindegin ere izan ziren egitekoak eta arratsaldean Tilosetan pala jarduerak izan ziren. Behin kirolak amaituta rock jaialdi zaratatsu bezain gozagarria izan zen Atsegindegin eta hemen bildu zen jende gehiena. Eguna ezin hobea izan zen, aniztasun funtzionala duten pertsonei agerikotasuna emateko.