Berdintasun Kontseiluaren ikasturteko lehen bilera egingo dute, etzi asteartean, 17:00etan Kulturarteko Plaza Feministan. Udaleko Berdintasun Sailetik abian jar daitezkeen egitasmoak proposatu eta lantzen dira bertan, emakumeen ahalduntzeaz, indarkeria matxistaz zein erantzunkidetasunaz. Hilean behin biltzen da Kontseilua eta berdintasun gaietan interesa duen herritar orok parte har dezake. Beraz, gonbidapena luzatu nahi diete herritarrei parte har dezaten.