26 urte espetxean eman ostean, gaur goizean atera da Martuteneko presondegitik Hernanin bizi den Karlos Apeztegia Jaka. Aurretik, 22 urte pasa zituen preso, eta 4 urte gehiagoko kartzela-zigorra bete behar izan du.
2018. urteko urrian atxilotu zuten Apeztegia, ustekabean, eta berriro espetxeratu zuen Auzitegi Nazional espainolak, ETArekin lotura eginez. Zehazki, kartzeletik gutun bat bidali zuela egotzi zioten. Lantokian zegoela atxilotu zuen Guardia Zibilak, eta inork espero ez zuen zerbait izanagatik, Etxerat, Sare, Sortu, LAB eta beste hainbat talderen eta eragileren gaitzespena eragin zuten kartzelaratzeak eta poliziaren zein justiziaren akzioak.